hindu bacha ne chhin ke dil mujh se yun kaha
hindostan bhi kishwar-e-turkan se kam nahin

Maatam Fazl Mohammad

---

---

ishq-e-KHuban nahin hai aisi shai
bandh kar rakhiye jis ko puDiya mein

Maatam Fazl Mohammad

---

---

jaan-ba-lab dam bhar ka hun mehman-e-yar
ek bosa meri mehmani karo

Maatam Fazl Mohammad

---

---

jahan se hun yahan aaya wahan jaunga aaKHir ko
mera ye haal hai yaro na mustaqbil na mazi hun

Maatam Fazl Mohammad

---

---

KHat dekh kar mera mere qasid se yun kaha
kya gul nahin hua wo charagh-e-sahar hanuz

Maatam Fazl Mohammad

---

---

koi aazad ho to ho yaro
hum to hain ishq ke asiron mein

Maatam Fazl Mohammad

---

---

kya kahun din ko kis qadar roya
raat dilbar ko dekh kar roya main

Maatam Fazl Mohammad

---

---