gar mere dil ko churaya nahin tu ne zalim
khol de band hatheli ko dikha hathon ko

Mah Laqa Chanda

---

---

garche gul ki sej ho tis par bhi uD jati hai nind
sar rakhun qadmon pe jab tere mujhe aati hai nind

Mah Laqa Chanda

---

---

gul ke hone ki tawaqqoa pe jiye baiThi hai
har kali jaan ko muTThi mein liye baiThi hai

Mah Laqa Chanda

---

---

hum jo shab ko na-gahan us shoKH ke pale paDe
dil to jata hi raha ab jaan ke lale paDe

Mah Laqa Chanda

---

---

kabhi sayyaad ka khaTka hai kabhi KHauf-e-KHizan
bulbul ab jaan hatheli pe liye baiThi hai

Mah Laqa Chanda

---

---

nadan se ek umr raha mujh ko rabt-e-ishq
dana se ab paDa hai sarokar dekhna

Mah Laqa Chanda

---

---

sang-e-rah hun ek Thokar ke liye
tis pe wo daman sambhaal aata hai aaj

Mah Laqa Chanda

---

---