ye hasil hai meri KHamoshiyon ka
ki patthar aazmane lag gae hain

Madan Mohan Danish

---

---

ye nadani nahin to kya hai 'danish'
samajhna tha jise samjha raha hun

Madan Mohan Danish

---

---

yahan koi na ji saka na ji sakega hosh mein
miTa de nam hosh ka sharab la sharab la

Madan pal

---

---

a-juz haq ke nahin hai ghair se hargiz tawaqqo kuchh
magar duniya ke logon mein mujhe hai pyar se matla

Mah Laqa Chanda

---

---

'chanda' rahe partaw se tere ya ali raushan
KHurshid ko hai dar se tere sham-o-sahar faiz

Mah Laqa Chanda

---

---

daregh chashm-e-karam se na rakh ki ai zalim
kare hai dil ko mere teri yak nazar mahzuz

Mah Laqa Chanda

---

---

dil ho gaya hai gham se tere daghdar KHub
phula hai kya hi josh se ye lala-zar KHu

Mah Laqa Chanda

---

---