ho na dushman ko mohabbat se sarokar kabhi
koi duniya mein kisi ko na kare pyar kabhi

Lala Madhav Ram Jauhar

---

---

ek ishaara sar-e-mahfil jo kiya us gul ne
chaunke das bis ruke saikDon khaTke lakhon

Lala Madhav Ram Jauhar

---

---

ilahi kya khule didar ki rah
udhar darwaze band aankhen idhar band

Lala Madhav Ram Jauhar

---

---

is bala ko to KHuda jald kare shahr-badar
kale pani ko rawana shab-e-hijran ho jae

Lala Madhav Ram Jauhar

---

---

is qamar ko kabhi to dekhenge
tis din hote hain mahine ke

Lala Madhav Ram Jauhar

---

---

is taraf dair udhar kaba kidhar ko jaun
is do-rahe mein kahan yar raha karta hai

Lala Madhav Ram Jauhar

---

---

istiKHare ke liye bagh mein hum rindon ne
bar-ha dana-e-angur ki ki hai tasbih

Lala Madhav Ram Jauhar

---

---