haal-e-dil yar ko mahfil mein sunaen kyun-kar
muddai kan idhar aur udhar rakhte hain
Lala Madhav Ram Jauhar
hum bhi kuchh munh se jo kah baiThen to phir kitni rahe
dekhiye achchhi nahin ye bad-zabani aap ki
Lala Madhav Ram Jauhar
hum ishq mein hain fard to tum husn mein yakta
hum sa bhi nahin ek jo tum sa nahin koi
Lala Madhav Ram Jauhar
hum kisi aur ko takenge tumhaare hote
kya kaha phir to kaho aankh mila kar hum se
Lala Madhav Ram Jauhar
hum wo nahin sunen jo burai huzur ki
ye aap the jo ghair ki baaton mein aa gae
Lala Madhav Ram Jauhar
hamare kaba-e-dil mein buton ki yaad basti hai
baDa andher hai ghar mein KHuda ke but-parasti hai
Lala Madhav Ram Jauhar
har ghaDi ka ye bigaDna nahin achchha ai jaan
ruThne ka bhi koi waqt muqarrar ho jae
Lala Madhav Ram Jauhar

