dil mera KHwab-gah-e-dilbar hai
bas yahi ek sone ka ghar hai

Lala Madhav Ram Jauhar

---

---

dil pyar ki nazar ke liye be-qarar hai
ek tir is taraf bhi ye taza shikar hai

Lala Madhav Ram Jauhar

---

---

dil se guzri kabhi sar se guzri
bas yunhi umr hamari guzri

Lala Madhav Ram Jauhar

---

---

dil to wo mangte hain aur tamasha ye hai
baat matlab ki jo kahiye to uDa jate hain

Lala Madhav Ram Jauhar

---

---

do hi din mein ye sanam hosh-ruba hote hain
kal ke tarshe hue but aaj KHuda hote hain

Lala Madhav Ram Jauhar

---

---

dost dil rakhne ko karte hain bahane kya kiya
roz jhuTi KHabar-e-wasl suna jate hain

Lala Madhav Ram Jauhar

---

---

dost do-chaar nikalte hain kahin lakhon mein
jitne hote hain siwa utne hi kam hote hain

Lala Madhav Ram Jauhar

---

---