aiThe jo us gali mein na mar kar bhi uTThe hum
ek Dher gir ke ho gae diwar ki tarah

Kishan Kumaar Waqaar

---

---

a-qaid-e-waqt paDhi main ne panjgana namaz
sharab pine mein kuchh ehtiyat mujh ko nahin

Kishan Kumaar Waqaar

---

---

osa dahan ka us ke na paenge apne lab
daghi hai main ne nok zaban-e-sawal ki

Kishan Kumaar Waqaar

---

---

chhupta nahin hai dil mein kabhi raaz ishq ka
ye aag wo hai jis ko nahin tab sang mein

Kishan Kumaar Waqaar

---

---

dhup mein rakh qafas na ai sayyaad
saya-parwarda-e-chaman hun main

Kishan Kumaar Waqaar

---

---

din lage hain ye raat ko meri
chashm-e-ahu charagh-e-sahra hai

Kishan Kumaar Waqaar

---

---

ek jhuTe ke wasf-e-dandan mein
sachche moti sada pirota hun

Kishan Kumaar Waqaar

---

---