yar tanha ghar mein hai afsos lekin hum nahin
hur to hai gulshan-e-firdaus mein aadam nahin

Khwaja Mohammad Vazeer Lakhnavi

---

---

ye dil-e-bad-guman na dekh sake
agar us but ke ho KHuda hamrah

Khwaja Mohammad Vazeer Lakhnavi

---

---

zamin bhi nikli jati hai meri panw ke niche se
mujhe mushkil hua hai sath dena apne manzil ka

Khwaja Mohammad Vazeer Lakhnavi

---

---

zar diya zor diya mal diya ganj diye
ai falak kaun se rahat ke ewaz ranj diye

Khwaja Mohammad Vazeer Lakhnavi

---

---

aaine mein aur aab-e-rawan mein tha tera aks
shayad ki mera dida-e-tar teri taraf tha

Khwaja Razi Haidar

---

---

guzri jo rahguzar mein use darguzar kiya
aur phir ye tazkira kabhi ja kar na ghar kiya

Khwaja Razi Haidar

---

---

kab tak ai baad-e-saba tujh se tawaqqo rakkhun
dil tamanna ka shajar hai to hara ho bhi chuka

Khwaja Razi Haidar

---

---