tum jo kuchh kahte zaban-e-tegh se
main dahan-e-zaKHm se deta jawa

Khwaja Mohammad Vazeer Lakhnavi

---

---

un aankhon mein sanea ne bhare kuT ke moti
qismat ye hamari hai ki ashkon se bhari aankh

Khwaja Mohammad Vazeer Lakhnavi

---

---

us but-e-kafir ka zahid ne bhi nam aisa japa
dana-e-tasbih har ek ram-dana ho gaya

Khwaja Mohammad Vazeer Lakhnavi

---

---

wasl ki raat hai bigDo na barabar to rahe
phaT gaya mera gareban tumhaara daman

Khwaja Mohammad Vazeer Lakhnavi

---

---

wo mujh pe marne lage jo hai mere darpai-e-qatl
ilahi is ke sau aur intiqal nahin

Khwaja Mohammad Vazeer Lakhnavi

---

---

wo zaKHm laga hai ki dikhai nahin deta
darkar hua marham-e-nayab ka phaha

Khwaja Mohammad Vazeer Lakhnavi

---

---

yaad-e-mizhgan mein meri aankh lagi jati hai
log sach kahte hain suli pe bhi nind aati hai

Khwaja Mohammad Vazeer Lakhnavi

---

---