sharab ghair ko de kar jala na har karwaT
na dil ko aag pe tu surat-e-kabab phira

Kishan Kumaar Waqaar

---

---

tumhaare ishq-e-abru mein hilal-e-id ki surat
hazaron ungliyan uTThin jidhar se ho ke hum nikle

Kishan Kumaar Waqaar

---

---

ukhDi baaton se us ki sabit hai
kuchh na kuchh aaj ghair jaD ke uTha

Kishan Kumaar Waqaar

---

---

yar ne KHatt-o-kabutar ke kiye hain TukDe
purze kaghaz ke karen jama ki par jama karen

Kishan Kumaar Waqaar

---

---

zulf o abru ne to ai jaan tha bandha mara
par teri chashm ne kar ke mujhe be-jaan chhoDa

Kishan Kumaar Waqaar

---

---

aankh ki putli sab kuchh dekhe dekhe na apni zat
ujla dhaga maila howe lagen jo maile hat

Kishwar Naheed

---

---

apni be-chehragi chhupane ko
aaine ko idhar udhar rakkha

Kishwar Naheed

---

---