main ne puchha ki koi dil-zadagan ki hai misal
kis tawaqquf se kaha us ne ki han tum aur main

Khwaja Razi Haidar

---

---

nahin ehsas tum ko raegani ka hamari
suhulat se tumhein shayad mayassar ho gae hain

Khwaja Razi Haidar

---

---

sare jazbon ke bandh TuT gae
us ne bas ye kaha ijazat hai

Khwaja Sajid

---

---

aariz pe rahi zulf-e-siyah-fam hamesha
pamal raha kufr ka islam hamesha

Kishan Kumaar Waqaar

---

---

aatishin husn kyun dikhate ho
dil hai aashiq ka koh-e-tur nahin

Kishan Kumaar Waqaar

---

---

ashk-e-hasrat hai aaj tufan-KHez
kashti-e-chashm ki tabahi hai

Kishan Kumaar Waqaar

---

---

ahut dinon se hun aamad ka apni chashm-ba-rah
tumhaara le gaya ai yar intizar kahan

Kishan Kumaar Waqaar

---

---