sar aankhon se karen sajda jidhar abru hilae wo
juda kuchh kufr aur islam se mazhab hamara hai

Khwaja Mohammad Vazeer Lakhnavi

---

---

sar jhukae raha sada gardun
kya kiya tha jo sharmsar raha

Khwaja Mohammad Vazeer Lakhnavi

---

---

sar mera kaT ke pachhtaiyega
kis ki phir jhuTi qasam khaiyega

Khwaja Mohammad Vazeer Lakhnavi

---

---

silsila rakhta hai mera kufr kuchh islam se
hain kai tasbih ke dane meri zunnar mein

Khwaja Mohammad Vazeer Lakhnavi

---

---

sujhi hai ulTi dasht-nawardi mein ai junun
panw mein aable ki tarah se kulah ho

Khwaja Mohammad Vazeer Lakhnavi

---

---

tirchhi nazron se na dekho aashiq-e-dil-gir ko
kaise tir-andaz ho sidha to kar lo tir ko

Khwaja Mohammad Vazeer Lakhnavi

---

---

tere kuche ki shayad rah bhuli
saba phirti hai muztar ku-ba-ku aaj

Khwaja Mohammad Vazeer Lakhnavi

---

---