jis ko aate dekhta hun ai pari kahta hun main
aadmi bheja na ho mere bulane ke liye

Khwaja Mohammad Vazeer Lakhnavi

---

---

kahida mujh ko dekh ke wo ghairat-e-pari
kahta hai aadmi ho ki mardum-gayah ho

Khwaja Mohammad Vazeer Lakhnavi

---

---

kahen adu na kahen mujh ko dekh kar muhtaj
ye un ke bande hain jin ko karim kahte hain

Khwaja Mohammad Vazeer Lakhnavi

---

---

KHak mein mil jae wo chashma na jis mein aab ho
phuT jae aankh agar mauquf rona ho gaya

Khwaja Mohammad Vazeer Lakhnavi

---

---

KHud-ba-KHud apna janaza hai rawan
hum ye kis ke Kushta-e-raftar hain

Khwaja Mohammad Vazeer Lakhnavi

---

---

kisi ko dekh ke saqi jo be-hawas hua
sharab siKH pe Dali kabab shishe mein

Khwaja Mohammad Vazeer Lakhnavi

---

---

ku-e-jaanan se jo uThta hun to so jate hain panw
dafatan aankhon se panw mein utar aati hai nind

Khwaja Mohammad Vazeer Lakhnavi

---

---