dekha jise bismil kya taka jise mara
us aankh se Dariye jo KHuda se na Dare aankh

Khwaja Mohammad Vazeer Lakhnavi

---

---

dekhna hasrat-e-didar ise kahte hain
phir gaya munh teri jaanib dam-e-murdan apna

Khwaja Mohammad Vazeer Lakhnavi

---

---

ek ko do kar dikhae aaina
gar banaen aahan-e-shamshir se

Khwaja Mohammad Vazeer Lakhnavi

---

---

ghazab hai ruh se is jama-e-tan ka juda hona
libas-e-tang hai utrega aaKHir dhajjiyan ho ka

Khwaja Mohammad Vazeer Lakhnavi

---

---

haal puchho na mere rone ka bas jaane do
abhi rumal nichoDunga to tufan hoga

Khwaja Mohammad Vazeer Lakhnavi

---

---

hath dikhla ke ye bola wo musalman-zada
ho gaya dast-e-nigar ab to barahman apna

Khwaja Mohammad Vazeer Lakhnavi

---

---

hai chashm nim-baz ajab KHwab-e-naz hai
fitna to so raha hai dar-e-fitna baz hai

Khwaja Mohammad Vazeer Lakhnavi

---

---