zikr mera hi wo karta tha sarihan lekin
main ne puchha to kaha KHair ye mazkur na tha

Khwaja Meer u0027Dardu0027

---

---

zindagi hai ya koi tufan hai!
hum to is jine ke hathon mar chale

Khwaja Meer u0027Dardu0027

---

---

aaenge waqt-e-KHizan chhoD de aai hai bahaar
le le sayyaad qasam rakh de gulistan sar pa

Khwaja Mohammad Vazeer Lakhnavi

---

---

aaya hai mere dil ka ghubar aansuon ke sath
lo ab to hui malik-e-KHushki-o-tari aankh

Khwaja Mohammad Vazeer Lakhnavi

---

---

ai buto dar-parda tum se zahidon ko bhi hai ishq
surat-e-tasbih pinhan rakhte hain zunnar ko

Khwaja Mohammad Vazeer Lakhnavi

---

---

apne kuche mein mujhe rone to de ai rashk-e-gul
baghban pani hamesha dete hain gulzar ko

Khwaja Mohammad Vazeer Lakhnavi

---

---

aal-o-par bhi gae bahaar ke sath
ab tawaqqo nahin rihai ki

Khwaja Mohammad Vazeer Lakhnavi

---

---