hum apne ghar mein bhi ab be-sar-o-saman se rahte hain
hamare silsile KHana-KHarabon se nikal aae

Khushbir Singh Shaad

---

---

isi ummid par to kaT lin ye mushkilen hum ne
ab is ke baad to ai 'shad' aasani mein rahna hai

Khushbir Singh Shaad

---

---

kai na-ashna chehre hijabon se nikal aae
nae kirdar mazi ki kitabon se nikal aae

Khushbir Singh Shaad

---

---

kabhi uruj pe tha KHud pe e'timad mera
ghurub kaise hua hai ye aaftab na puchh

Khushbir Singh Shaad

---

---

KHushiyan dete dete aksar KHud gham mein mar jate hain
resham bunne wale kiDe resham mein mar jate hain

Khushbir Singh Shaad

---

---

koi bhi yaqin dil ko 'shad' kar nahin sakta
ruh mein utar jae jab guman ki tanhai

Khushbir Singh Shaad

---

---

koi sawal na kar aur koi jawab na puchh
tu mujh se ahd-e-guzashta ka ab hisab na puchh

Khushbir Singh Shaad

---

---