hawa se kah do ki kuchh der ko Thahar jae
KHajil hamari ibarat hawa se hoti hai

Khurshid Talab

---

---

hawa to hai hi muKHalif mujhe Daraata hai kya
hawa se puchh ke koi diye jalata hai kya

Khurshid Talab

---

---

kabhi dimagh ko KHatir mein hum ne laya nahin
hum ahl-e-dil the hamesha rahe KHasare mein

Khurshid Talab

---

---

kahin bhi jaen kisi shahr mein sukunat ho
hum apni tarz ki aab o hawa banate hain

Khurshid Talab

---

---

KHuda ne baKHsha hai kya zarf mom-batti ko
pighalte rahna magar sari raat chup rahna

Khurshid Talab

---

---

ki hum bane hi na the ek dusre ke liye
ab is yaqin ko jina hayat karte hue

Khurshid Talab

---

---

koi charag jalata nahin saliqe se
magar sabhi ko shikayat hawa se hoti hai

Khurshid Talab

---

---