tera baKHsha hua ek zaKHm pyare
chali ThanDi hawa jalne laga hai

Khurshid Rabbani

---

---

utar ke shaKH se ek ek zard patte ne
nai ruton ke liye rasta banaya tha

Khurshid Rabbani

---

---

wahshaten ishq aur majburi
kya kisi KHas imtihan mein hun

Khurshid Rabbani

---

---

wo taghaful-shiar kya jaane
ishq to husn ki zarurat hai

Khurshid Rabbani

---

---

ye dil ki zard paDa tha kai zamanon se
main tera nam liya aur bahaar aa gai hai

Khurshid Rabbani

---

---

ye kar-e-mohabbat bhi kya kar-e-mohabbat hai
ek harf-e-tamanna hai aur us ki pazirai

Khurshid Rabbani

---

---

ye kaun aag lagane pe hai yahan mamur
ye kaun shahr ko maqtal banane wala hai

Khurshid Rabbani

---

---