guman KHak mein sab ke milane wala hai
koi charag hawaen bujhane wala hai
ufuq ufuq pe mahakti hui shafaq se khula
koi sitara kahin jagmagane wala hai
na jaane kaun pas-e-chashm hai junun-pesha
jo aansuon ke KHazane luTane wala hai
ye kaun aag lagane pe hai yahan mamur
ye kaun shahr ko maqtal banane wala hai
Ghazal
Guman KHak mein sab ke milane wala hai
Khurshid Rabbani