maut ki ek alamat hai agar dekha jae
ruh ka chaar anasir pe sawari karna

Khursheed Rizvi

---

---

mere is awwalin ashk-e-mohabbat par nazar kar
ye moti sip mein phir umr-bhar aata nahin hai

Khursheed Rizvi

---

---

mujhe bhi apna dil-e-rafta yaad aata hai
kabhi kabhi kisi bazar se guzarte hue

Khursheed Rizvi

---

---

nusKHa-e-marham-e-iksir batane wale
tu mera zaKHm to pahle mujhe wapas kar de

Khursheed Rizvi

---

---

palaT kar ashk su-e-chashm-e-tar aata nahin hai
ye wo bhaTka musafir hai jo ghar aata nahin hai

Khursheed Rizvi

---

---

tamam umr akele mein tujh se baaten kin
tamam umr tere ru-ba-ru KHamosh rahe

Khursheed Rizvi

---

---

tumhaari bazm se tanha nahin uTha 'KHurshid'
hujum-e-dard ka ek qafila rikab mein tha

Khursheed Rizvi

---

---