hum ki apni rah ka patthar samajhte hain use
hum se jaane kis liye duniya na Thukrai gai

Khursheed Rizvi

---

---

is e'tiraf se ras ghul raha hai kanon mein
wo e'tiraf jo us ne abhi kiya bhi nahin

Khursheed Rizvi

---

---

jism ki chaukhaT pe KHam dil ki jabin kar di gai
aasman ki chiz kyun sarf-e-zamin kar di gai

Khursheed Rizvi

---

---

jo shaKHs na roya tha tapti hui rahon mein
diwar ke sae mein baiTha to bahut roya

Khursheed Rizvi

---

---

jo tamam umr raha sabab ki talash mein
wo teri nigah mein be-sabab nahin aa saka

Khursheed Rizvi

---

---

'KHurshid' ab kahan hai kisi ko pata nahin
guzra to tha kisi ka pata puchhta hua

Khursheed Rizvi

---

---

maqam jin ka muarriKH ke hafize mein nahin
shikast o fath ke ma-bain marhale hum log

Khursheed Rizvi

---

---