tujhe kuchh us ki KHabar bhi hai bhulne wale
kisi ko yaad teri bar bar aai hai

Kausar Niyazi

---

---

us ne iKHlas ke mare hue diwane ko
ek aawara o badnam sa shaer jaana

Kausar Niyazi

---

---

wo mil na sake yaad to hai un ki salamat
is yaad se bhi hum ne bahut kaam liya hai

Kausar Niyazi

---

---

ye dard ki hai teri mohabbat ki amanat
mar jaenge is dard ka darman na karenge

Kausar Niyazi

---

---

zarur teri gali se guzar hua hoga
ki aaj baad-e-saba be-qarar aai hai

Kausar Niyazi

---

---

hamein jo fikr ki dawat na de sake 'kausar'
wo sher sher to hai ruh-e-shaeri to nahin

Kausar Siwani

---

---

harifon ki taraf-dari se apna-pan ka dam TuTa
baDhi kuchh aur jab duri to qurbat ka bharam TuTa

Kausar Siwani

---

---