us ki palkon pe jo chamka tha sitara koi
dekhte dekhte mahtab hua jata hai

Kausar Mazhari

---

---

wahi qatra jo kabhi kunj-e-sar-e-chashm mein tha
ab jo phaila hai to sailab hua jata hai

Kausar Mazhari

---

---

ai masiha kabhi tu bhi to use dekhne aa
tere bimar ko sunte hain ki aaram nahin

Kausar Niyazi

---

---

apne wahshat-zada kamre ki ek almari mein
teri taswir aqidat se saja rakkhi hai

Kausar Niyazi

---

---

ar-sar-e-am iqrar agar na-mumkin hai to yunhi sahi
kam-az-kam idrak to kar le gun be-shak mat man mere

Kausar Niyazi

---

---

e-sabab aaj aankh pur-nam hai
jaane kis baat ka mujhe gham hai

Kausar Niyazi

---

---

chand lamhon ke liye ek mulaqat rahi
phir na wo tu na wo main aur na wo raat rahi

Kausar Niyazi

---

---