kaun si duniya mein hun kis ki nigahbani mein hun
zindagi hai saKHt mushkil phir bhi aasani mein hun

Kausar Mazhari

---

---

main sab ke waste achchha tha lekin
usi ke waste achchha nahin tha

Kausar Mazhari

---

---

mausam-e-dil jo kabhi zard sa hone lag jae
apna dil KHun karo phul ugane lag jao

Kausar Mazhari

---

---

nazar jhuk rahi hai KHamoshi hai lab par
haya hai ada hai ki an-ban hai kya hai

Kausar Mazhari

---

---

putliyon par raqs karna hi kalam-e-fan nahin
dard ke aansu ko to paiham rawani chahiye

Kausar Mazhari

---

---

abt hai us ko zamane se bahut sunta hun
koi tarkib karun main bhi zamana ho jaun

Kausar Mazhari

---

---

taaqub mein hai mere yaad kis ki
main kis ko bhul jaana chahta hun

Kausar Mazhari

---

---