haal-e-dil us ko suna kar hai bahut KHush 'kausar'
lekin ab soch zara kya teri auqat rahi

Kausar Niyazi

---

---

har marhala-e-gham mein mili is se tasalli
har moD pe ghabra ke tera nam liya hai

Kausar Niyazi

---

---

jazbaat mein aa kar marna to mushkil si koi mushkil hi nahin
ai jaan-e-jahan hum tere liye jina bhi gawara karte hain

Kausar Niyazi

---

---

manjdhaar mein naw Dub gai to maujon se aawaz aai
dariya-e-mohabbat se 'kausar' yun par utara karte hain

Kausar Niyazi

---

---

main ne har gam use awwal o aaKHir jaana
lekin us ne mujhe lamhon ka musafir jaana

Kausar Niyazi

---

---

parakhne wale mujhe dekh is tarah bhi zara
agar hai khoT to kaise chamak raha hun main

Kausar Niyazi

---

---

tabahi ki ghaDi shayad zamane par nahin aai
abhi apne kiye par aadmi sharma hi jata hai

Kausar Niyazi

---

---