gar Dubna hi apna muqaddar hai to suno
Dubenge hum zarur magar naKHuda ke sath

Kaifi Azmi

---

---

ghurbat ki ThanDi chhanw mein yaad aai us ki dhup
qadr-e-watan hui hamein tark-e-watan ke baad

Kaifi Azmi

---

---

insan ki KHwahishon ki koi intiha nahin
do gaz zamin bhi chahiye do gaz kafan ke baad

Kaifi Azmi

---

---

itna to zindagi mein kisi ke KHalal paDe
hansne se ho sukun na rone se kal paDe

Kaifi Azmi

---

---

jhuki jhuki si nazar be-qarar hai ki nahin
daba daba sa sahi dil mein pyar hai ki nahin

Kaifi Azmi

---

---

jis tarah hans raha hun main pi pi ke garm ashk
yun dusra hanse to kaleja nikal paDe

Kaifi Azmi

---

---

jo ek KHuda nahin milta to itna matam kyun
yahan to koi mera ham-zaban nahin milta

Kaifi Azmi

---

---