mohabbat si shai us ne mujh ko ata ki
ki KHush KHush chalun umr barbaad kar ke

Jitendra Mohan Sinha Rahbar

---

---

phir wahi sauda wahi wahshat wahi tarz-e-junun
hain nishan maujud sare ishq ki tasir ke

Jitendra Mohan Sinha Rahbar

---

---

suKHan-sazi mein lazim hai kamal-e-ilm-o-fan hona
mahz tuk-bandiyon se koi shaer ho nahin sakta

Jitendra Mohan Sinha Rahbar

---

---

tang paimai ka shikwa saqi-e-azali se kiya
hum ne samjha hi nahin dastur-e-mai-KHana abhi

Jitendra Mohan Sinha Rahbar

---

---

tu ne hi rah na dikhai to dikhaega kaun
hum teri rah mein gumrah hue baiThe hain

Jitendra Mohan Sinha Rahbar

---

---

zamana ye aa gaya hai 'rahbar' ki ahl-e-binash ko kaun puchhe
jame hain makkar kursiyon par dikha rahe hain ganwar aankhen

Jitendra Mohan Sinha Rahbar

---

---

aaDe aaya na koi mushkil mein
mashware de ke haT gae ahba

Josh Malihabadi

---

---