hai fahm us ka jo har insan ke dil ki zaban samjhe
suKHan wo hai jise har shaKHs apna hi bayan samjhe

Jitendra Mohan Sinha Rahbar

---

---

hum ru-ba-ru-e-shama hain is intizar mein
kuchh jaan paron mein aae to uD kar nisar hon

Jitendra Mohan Sinha Rahbar

---

---

har shai mein har bashar mein nazar aa raha hai tu
sajde mein apne sar ko jhukaun kahan kahan

Jitendra Mohan Sinha Rahbar

---

---

kaisi kashish hai ishq ke TuTe mazar mein
mela laga hua hai hamare dayar mein

Jitendra Mohan Sinha Rahbar

---

---

khinchte jate hain KHud meri jaanib
mujh ko jyun jyun wo aazmate hain

Jitendra Mohan Sinha Rahbar

---

---

mahw-e-didar hue jate hain rah-rau sare
ek tamasha hua goya ruKH-e-dilbar na hua

Jitendra Mohan Sinha Rahbar

---

---

mohabbat mein nahin hai ibtida ya intiha koi
hum apne ishq ko hi ishq ki manzil samajhte hain

Jitendra Mohan Sinha Rahbar

---

---