main chahta hun mohabbat mujhe fana kar de
fana bhi aisa ki jis ki koi misal na ho

Jawad Sheikh

---

---

main is KHayal se jate hue use na mila
ki rok len na kahin samne khaDe aansu

Jawad Sheikh

---

---

nahin aisa bhi ki yaksar nahin rahne wala
dil mein ye shor barabar nahin rahne wala

Jawad Sheikh

---

---

TuTne par koi aae to phir aisa TuTe
ki jise dekh ke har dekhne wala TuTe

Jawad Sheikh

---

---

ye na-guzir hai ummid ki numu ke liye
guzarta waqt kahin tham gaya to kya hoga?

Jawad Sheikh

---

---

adab ka zina mila zist ka qarina mila
kahan kahan na tere gham se istifada hua

Jawaz Jafri

---

---

kabhi diwar ko tarse kabhi dar ko tarse
hum hue KHana-ba-dosh aise ki ghar ko tarse

Jawaz Jafri

---

---