gham se ehsas ka aaina jila pata hai
aur gham sikhe hai aa kar ye saliqa mujh se

Javed Vashisht

---

---

kanTon pe chale hain to kahin phul khile hain
phulon se mile hain to baDi choT lagi hai

Javed Vashisht

---

---

koi KHayal koi yaad koi to ehsas
mila de aaj zara aa ke hum ko KHud hum se

Javed Vashisht

---

---

muddat se rahi farsh teri rahguzar mein
tab ja ke sitaron se kahin aankh laDi hai

Javed Vashisht

---

---

ye to waqt waqt ki baat hai hamein un se koi gila nahin
wo hon aaj hum se KHafa KHafa kabhu hum se un ko bhi pyar tha

Javed Vashisht

---

---

ab mera dhyan kahin aur chala jata hai
ab koi film mukammal nahin dekhi jati

Jawad Sheikh

---

---

agar wo karne pe aata to kuchh bhi kar jata
ye soch mat ki akela sharar kya karta

Jawad Sheikh

---

---