jab bhi aata hai wo mere dhyan mein
phul rakh jata hai roshan-dan mein

Jazib Quraishi

---

---

kyun mang rahe ho kisi barish ki duaen
tum apne shikasta dar-o-diwar to dekho

Jazib Quraishi

---

---

ashk aankhon se ye kah kar nikla
ye tere zabt ki had hai? had hai

Jeem Jazil

---

---

ek bachcha sa be-sabab 'jazil'
baiTha rahta hai ruTh kar mujh mein

Jeem Jazil

---

---

main apne jism ke andar na dafn ho jaun
mujhe wajud ke girte hue makan se nikal

Jeem Jazil

---

---

akkhi thi taswir tumhaari aankhon mein
hum ne sari raat guzari aankhon mein

Jeem Jazil

---

---

zindagi tujh ko tere dard ke har ek pal ko
hum ne jis tarah guzara hai KHuda jaanta hai

Jeem Jazil

---

---