main ne dekha hai chaman se ruKHsat-e-gul ka saman
sab se pahle rang maddham ek kone se hua

Javed Shaheen

---

---

maza to jab hai udasi ki sham ho 'shahin'
aur us ke bich se sham-e-tarab nikal aae

Javed Shaheen

---

---

samajh raha hai zamana riya ke pichhe hun
main ek aur tarah se KHuda ke pichhe hun

Javed Shaheen

---

---

thoDa sa kahin jama bhi rakh dard ka pani
mausam hai koi KHushk sa barsat se aage

Javed Shaheen

---

---

aankh uThao to hijabaat ka ek aalam hai
dil se dekho to koi rah mein hail bhi nahin

Javed Vashisht

---

---

aaj apne bhi parae se nazar aate hain
pyar ki rasm zamane se uThi jati hai

Javed Vashisht

---

---

dard ki aanch bana deti hai dil ko iksir
dard se dil hai agar dard nahin dil bhi nahin

Javed Vashisht

---

---