Dar raha hun ki sar-e-sham teri aankhon mein
main ne jo waqt guzara hai koi dekh na le

Javed Saba

---

---

dekhe the jitne KHwab Thikane laga diye
tum ne to aate aate zamane laga diye

Javed Saba

---

---

guzar rahi thi zindagi guzar rahi hai zindagi
nasheb ke baghair bhi faraaz ke baghair bhi

Javed Saba

---

---

jaane wale ne hamesha ki judai de kar
dil ko aankhon mein dhaDakne ke liye chhoD diya

Javed Saba

---

---

maddham maddham sans ki KHush-bu miThe miThe dard ki aanch
rah rah ke karti hai bekal aur main likhta jata hun

Javed Saba

---

---

mujhe tanhai ki aadat hai meri baat chhoDen
ye lije aap ka ghar aa gaya hai hat chhoDen

Javed Saba

---

---

shairi kar-e-junun hai aap ke bas ki nahin
waqt par bistar se uThiye waqt par so jaiye

Javed Saba

---

---