tera mera koi rishta to nahin hai lekin
main ne jo KHwab mein dekha hai koi dekh na le

Javed Saba

---

---

us ne aanchal se nikali meri gum-gashta bayaz
aur chupke se mohabbat ka waraq moD diya

Javed Saba

---

---

wahshat ka ye aalam ki pas-e-chaak gareban
ranjish hai bahaaron se ulajhte hain KHizan se

Javed Saba

---

---

ye jo mahfil mein mere nam se maujud hun main
main nahin hun mera dhoka hai koi dekh na le

Javed Saba

---

---

ajnabi bud-o-bash ke qurb-o-jawar mein mila
bichhDa to wo mujhe kisi aur dayar mein mila

Javed Shaheen

---

---

Dubne wala tha din sham thi hone wali
yun laga meri koi chiz thi khone wali

Javed Shaheen

---

---

hisab-e-dostan karne hi se malum ye hoga
KHasare mein hun ya ab main KHasare se nikal aaya

Javed Shaheen

---

---