waqt ki mauj hamein par lagati kaise
hum ne hi jism se bandhe hue patthar the bahut

Jaleel Haider Lashari

---

---

wo dil ka TuTna to koi waqia na tha
ab TuTe dil ki kirchiyon ki dhaar se bacho

Jaleel Haider Lashari

---

---

diwaron ki basti mein
darwaza likkha main ne

Jaleel Hashmi

---

---

sikh liya jina main ne
itna zahr piya main ne

Jaleel Hashmi

---

---

teri surat par guman-e-dasht-o-sahra hae hae
tere qadmon mein bahaaren zindagi ai zindagi

Jaleel Hashmi

---

---

lapka hai ye ek umr ka jaega na hargiz
is gul se tabiat na bharegi na bhari hai

Jaleel Qidwai

---

---

KHud apne aap se larzan rahi ulajhti rahi
uTha na bar-e-garan raat ki jawani se

Jalib Nomani

---

---