hu ka aalam hai giraftaron ki aabaadi mein
hum to sunte the ki zanjir-e-giran bolti hai

Irfan Siddiqi

---

---

ishq kya kar-e-hawas bhi koi aasan nahin
KHair se pahle isi kaam ke qabil ho jao

Irfan Siddiqi

---

---

jaan hum kar-e-mohabbat ka sila chahte the
dil-e-sada koi mazdur hai ujrat kaisi

Irfan Siddiqi

---

---

jaane kya Than ke uThta hun nikalne ke liye
jaane kya soch ke darwaze se lauT aata hun

Irfan Siddiqi

---

---

jism ki ranaiyon tak KHwahishon ki bhiD hai
ye tamasha KHatm ho jae to ghar jaenge log

Irfan Siddiqi

---

---

jo kuchh hua wo kaise hua jaanta hun main
jo kuchh nahin hua wo bata kyun nahin hua

Irfan Siddiqi

---

---

jo tir buDhon ki fariyaad tak nahin sunte
to un ke samne bachchon ka muskurana kya

Irfan Siddiqi

---

---