ek main hun ki is aashob-e-nawa mein chup hun
warna duniya mere zaKHmon ki zaban bolti hai

Irfan Siddiqi

---

---

hai bahut kuchh meri tabir ki duniya tujh mein
phir bhi kuchh hai ki jo KHwabon ke jahan se kam hai

Irfan Siddiqi

---

---

hum baDe ahl-e-KHirad bante the ye kya ho gaya
aql ka har mashwara diwana-pan lagne laga

Irfan Siddiqi

---

---

hum kaun shanawar the ki yun par utarte
sukhe hue honTon ki dua le gai hum ko

Irfan Siddiqi

---

---

hum ne dekha hi tha duniya ko abhi us ke baghair
lijiye bich mein phir dida-e-tar aa gae hain

Irfan Siddiqi

---

---

hum ne muddat se ulaT rakkha hai kasa apna
dast-e-dadar tere dirham-o-dinar pe KHak

Irfan Siddiqi

---

---

hum sab aaina-dar-aina-dar-aina hain
kya KHabar kaun kahan kis ki taraf dekhta hai

Irfan Siddiqi

---

---