use bataya nahin hijr mein jo haal hua
jo baat sab se zaruri thi wo chhupa gaya hun

Irfan Sattar

---

---

wo jis ne mujh ko tere hijr mein bahaal rakha
tu aa gaya hai to kya us se bewafa ho jaun

Irfan Sattar

---

---

yahan jo hai kahan us ka nishan baqi rahega
magar jo kuchh nahin wo sab yahan baqi rahega

Irfan Sattar

---

---

ye kaise malbe ke niche daba diya gaya hun
mujhe badan se nikalo main tang aa gaya hun

Irfan Sattar

---

---

ye umr ki hai basar kuchh ajab tawazun se
tera hua na hi KHud se nibah main ne kiya

Irfan Sattar

---

---

yunhi ruka tha dam lene ko, tum ne kya samjha?
haar nahin mani thi bas sustane baiTha tha

Irfan Sattar

---

---

zara ahl-e-junun aao hamein rasta sujhao
yahan hum aql walon ka KHuda gum ho gaya hai

Irfan Sattar

---

---