gham-e-hayat ne baKHshe hain sare sannaTe
kabhi hamare bhi pahlu mein dil dhaDakta tha

Irfan Ahmad

---

---

jaane kis shahr mein aabaad hai tu
hum hain barbaad yahan tere baad

Irfan Ahmad

---

---

nashsha tha zindagi ka sharabon se tez-tar
hum gir paDe to maut uTha le gai hamein

Irfan Ahmad

---

---

tark-e-talluqat ki bas intiha na puchh
ab ke to main ne tark kiya apne aap ko

Irfan Ahmad

---

---

zaKHm jo tu ne diye tujh ko dikha to dun magar
pas tere bhi nasihat ke siwa hai aur kya

Irfan Ahmad

---

---

ghar se niklo to dua mang ke niklo warna
lauT aane ka nahin apne bharosa koi

Irfan Parbhanvi

---

---

aabaad mujh mein tere siwa aur kaun hai?
tujh se bichhaD raha hun tujhe kho nahin raha

Irfan Sattar

---

---