zara jo fursat-e-nazzargi mayassar ho
to ek pal mein bhi kya kya hai dekhne ke liye

Aftab Hussain

---

---

dil aur duniya donon ko KHush rakhne mein
apne-ap se duri to ho jati hai

Aftab Iqbal Shamim

---

---

ishq mein ye majburi to ho jati hai
duniya ghair-zaruri to ho jati hai

Aftab Iqbal Shamim

---

---

kaha tha kis ne ki shaKH-e-nahif se phuTen
gunah hum se hua be-gunahiyon jaisa

Aftab Iqbal Shamim

---

---

KHwab ke aage shikast-e-KHwab ka tha samna
ye safar tha marhala-dar-marhala TuTa hua

Aftab Iqbal Shamim

---

---

kya raat ke aashob mein wo KHud se laDa tha
aaine ke chehre pe KHarashen si paDi hain

Aftab Iqbal Shamim

---

---

lafzon mein KHali jaghen bhar lene se
baat adhuri, puri to ho jati hai

Aftab Iqbal Shamim

---

---