tere badan ke gulistan ki yaad aati hai
KHud apni zat ke sahra ko par karte hue

Aftab Hussain

---

---

waqt ki wahshi hawa kya kya uDa kar le gai
ye bhi kya kam hai ki kuchh us ki kami maujud hai

Aftab Hussain

---

---

wo sar se panw tak hai ghazab se bhara hua
main bhi hun aaj josh-e-talab se bhara hua

Aftab Hussain

---

---

wo shor hota hai KHwabon mein 'aftab' 'husain'
ki KHud ko nind se bedar karne lagta hun

Aftab Hussain

---

---

wo yun mila tha ki jaise kabhi na bichhDega
wo yun gaya ki kabhi lauT kar nahin aaya

Aftab Hussain

---

---

ye dil ki rah chamakti thi aaine ki tarah
guzar gaya wo use bhi ghubar karte hue

Aftab Hussain

---

---

ye soch kar bhi to us se nibah ho na saka
kisi se ho bhi saka hai mera guzara kahin

Aftab Hussain

---

---