kis qadar gunahon ke murtakib hue hain hum
jo sukun luTta hai bar bar is ghar ka

Ikram Mujeeb

---

---

pahle darwaze pe dastak de lun
phir ye diwar gira bhi dunga

Ikram Tabassum

---

---

aaj ki sham guzarenge hum chhatri mein
barish hogi KHabren sun kar aaya hun

Iliyas Babar Aawan

---

---

is uljhan ko suljhane ki kaun si hai tadbir likho
ishq agar hai jurm to mujrim ranjha hai ya hir likho

Ilyas Ishqi

---

---

koi qarya koi dayar ho kahin hum akele nahin rahe
teri justuju mein jahan gae wahin sath dar-badari rahi

Ilyas Ishqi

---

---

wahi aag apna nasib thi ki tamam umr jala kiye
jo lagai thi kabhi ishq ne wahi aag dil mein bhari rahi

Ilyas Ishqi

---

---

waqt aaya to KHun se apne dagh-e-nadamat dho lenge
saya-e-zulf mein jagne wale saya-e-dar mein so lenge

Ilyas Ishqi

---

---