KHirad ko KHana-e-dil ka nigah-ban kar diya hum ne
ye ghar aabaad hota is ko viran kar diya hum ne

Ijtiba Rizvi

---

---

mere saz-e-nafas ki KHamushi par ruh kahti hai
na aai mujh ko nind aur so gaya afsana-KHwan mera

Ijtiba Rizvi

---

---

zaban se dil ka fasana ada kiya na gaya
ye tarjuman to bani thi magar bana na gaya

Ijtiba Rizvi

---

---

ek dard ki lazzat barqarar rakhne ko
kuchh latif jazbon ki KHun se aabyari ki

Ikram Mujeeb

---

---

hijr ki masafat mein sath tu raha har dam
dur ho gae tujh se jab tere qarin pahunche

Ikram Mujeeb

---

---

is hasin manzar se dukh kai ubharne hain
dhup jab utarni hai barf ke makanon pa

Ikram Mujeeb

---

---

kam zara na hone di ek lafz ki hurmat
ek ahd ki sari umr pasdari ki

Ikram Mujeeb

---

---