tum ne rasman mujhe salam kiya
log kya kya guman kar baiThe

Iftikhar Raghib

---

---

wo kahte hain ki 'raghib' tum nahin rakhte KHayal apna
main kahta hun ki har dam fikr daman-gir kis ki hai

Iftikhar Raghib

---

---

ye wasl ki rut hai ki judai ka hai mausam
ye gulshan-e-dil hai ki bayaban kahin ka

Iftikhar Raghib

---

---

hijrat ki ghaDi hum ne tere KHat ke alawa
bosida kitabon ko bhi saman mein rakkha

Iftikhar Shafi

---

---

tha koi wahan jo hai yahan bhi hai wahan bhi
jo hun main yahan hun main wahan koi nahin tha

Iftikhar Shafi

---

---

afsurdagi bhi husn hai tabindagi bhi husn
hum ko KHizan ne tum ko sanwara bahaar ne

Ijtiba Rizvi

---

---

churane ko chura laya main jalwe ru-e-raushan se
magar ab bijliyan lipTi hui hain dil ke daman se

Ijtiba Rizvi

---

---