dekh kar tujh ko qadam uTh nahin sakta apna
ban gae surat-e-diwar tere kuche mein

Imam Bakhsh Nasikh

---

---

furqat qubul rashk ke sadme nahin qubul
kya aaen hum raqib teri anjuman mein hai

Imam Bakhsh Nasikh

---

---

furqat-e-yar mein insan hun main ya ki sahab
har baras aa ke rula jati hai barsat mujhe

Imam Bakhsh Nasikh

---

---

gaya wo chhoD kar raste mein mujh ko
ab us ka naqsh-e-pa hai aur main hun

Imam Bakhsh Nasikh

---

---

go tu milta nahin par dil ke taqaze se hum
roz ho aate hain sau bar tere kuche mein

Imam Bakhsh Nasikh

---

---

hum mai-kashon ko Dar nahin marne ka mohtasib
firdaus mein bhi sunte hain nahr-e-sharab hai

Imam Bakhsh Nasikh

---

---

hum zaifon ko kahan aamad o shud ki taqat
aankh ki band hua kucha-e-jaanan paida

Imam Bakhsh Nasikh

---

---