tamam dost alaw ke gird jama the aur
har ek apni kahani sunane wala tha

Idris Babar

---

---

tu bhi ho main bhi hun ek jagah pe aur waqt bhi ho
itni gunjaishen rakhti nahin duniya mere dost!

Idris Babar

---

---

TuT sakta hai chhalak sakta hai chhin sakta hai
itna soche to koi jam uchhaale kaise

Idris Babar

---

---

wahi KHwab hai wahi bagh hai wahi waqt hai
magar is mein us ke baghair ji nahin lag raha

Idris Babar

---

---

wahi na ho ki ye sab log sans lene lagen
amir-e-shahr koi aur KHauf tari ka

Idris Babar

---

---

wo bahut dur hai magar mere pas
ek hi samt ka karaya hai

Idris Babar

---

---

wo mujhe dekh kar KHamosh raha
aur ek shor mach gaya mujh mein

Idris Babar

---

---