tulu hoga abhi koi aaftab zarur
dhuan uTha hai sar-e-sham phir charaghon se

Hazin Ludhianvi

---

---

tundi-e-sail-e-waqt mein ye bhi hai koi zindagi
subh hui to ji uThe, raat hui to mar gae

Hazin Ludhianvi

---

---

utar ke niche kabhi mere sath bhi to chalo
buland khiDkiyon se kab talak pukaroge

Hazin Ludhianvi

---

---

ab kahe jao fasane meri gharqabi ke
mauj-e-tufan ko mere haq mein tha sahil hona

Heera Lal Falak Dehlvi

---

---

ai sham-e-gham ki gahri KHamoshi tujhe salam
kanon mein ek aai hai aawaz dur ki

Heera Lal Falak Dehlvi

---

---

apna ghar phir apna ghar hai apne ghar ki baat kya
ghair ke gulshan se sau darja bhala apna qafas

Heera Lal Falak Dehlvi

---

---

charag-e-ilm raushan-dil hai tera
andhera kar diya hai raushni ne

Heera Lal Falak Dehlvi

---

---