zaban se baat nikli aur parai ho gai sach hai
abas ashaar ko karte hain hum tashhir pahle se

Hatim Ali Mehr

---

---

aah ye barsat ka mausam ye zaKHmon ki bahaar
ho gaya hai KHun-e-dil aankhon se jari in dinon

Haya Lakhnavi

---

---

chaman wahi hai ghaTaen wahi bahaar wahi
magar gulon mein wo ab rang-o-bu nahin baqi

Haya Lakhnavi

---

---

nigah-e-shauq agar dil ki tarjuman ho jae
to zarra zarra mohabbat ka raaz-dan ho jae

Haya Lakhnavi

---

---

ahen gham ki sharar-angeziyan ya-rab qayamat tak
'haya' gham se na milti gar kabhi fursat to achchha tha

Haya Lakhnavi

---

---

ab dilon mein koi gunjaish nahin milti 'hayat'
bas kitabon mein likkha harf-e-wafa rah jaega

Hayat Lakhnavi

---

---

chehre ko tere dekh ke KHamosh ho gaya
aisa nahin sawal tera la-jawab tha

Hayat Lakhnavi

---

---