har sada se bach ke wo ehsas-e-tanhai mein hai
apne hi diwar-o-dar mein gunjta rah jaega

Hayat Lakhnavi

---

---

muddaa hum apna kaghaz par raqam kar jaenge
waqt ke hathon mein apna faisla rah jaega

Hayat Lakhnavi

---

---

silsila KHwabon ka sab yunhi dhara rah jaega
ek din bistar pe koi jagta rah jaega

Hayat Lakhnavi

---

---

ye iltija dua ye tamanna fuzul hai
sukhi nadi ke pas samundar na jaega

Hayat Lakhnavi

---

---

ye jazba-e-talab to mera mar na jaega
tum bhi agar miloge to ji bhar na jaega

Hayat Lakhnavi

---

---

dusron ke waste jite rahe marte rahe
KHub-sirat log the raaz-e-mohabbat pa gae

Hayat Rizvi Amrohvi

---

---

hai iKHtiyar hamein kaenat par hasil
sawal ye hai ki hum kis ke iKHtiyar mein hain

Hayat Warsi

---

---