karte hain shauq-e-did mein baaten hawa se hum
jate hain ku-e-yar mein pahle saba se hum

Hatim Ali Mehr

---

---

KHub-rui pe hai kya naz butan-e-london
hain faqat rui ke galon ki tarah gal safed

Hatim Ali Mehr

---

---

kidhar ka chand hua 'mehr' ke jo ghar aae
tum aaj bhul paDe kis taraf kidhar aae

Hatim Ali Mehr

---

---

kis par nahin rahi hai inayat huzur ki
sahab nahin mujhi pe tumhaara karam faqat

Hatim Ali Mehr

---

---

kuche mein jo us shoKH-hasin ke na rahenge
to dair-o-haram kya hai kahenge na rahenge

Hatim Ali Mehr

---

---

ku-e-qatil mein basegi nai duniya ek aur
rose hota hai naya shahr-e-KHamoshan aabaad

Hatim Ali Mehr

---

---

kya buton mein hai KHuda jaane ba-qaul-ustad
na kamar rakhte hain kafir na dahan rakhte hain

Hatim Ali Mehr

---

---